Code : 500 23 Hit

موسم سرما کے پھل اور ان کے فوائد

چھوٹے چھوٹے موتیوں جیسے انگور کسی بھی وقت مل جائیں، کھائے بغیر نہیں رہا جاتا، انگور میں پوٹیشیم کی مقدار بہت زیادہ ہوتی ہے، اس سے جلد کے بہت سے مرض سے محفوظ رہا جاسکتا ہے، اس کے علاوہ انگور قوت بینائی کے لئے اچھا پھل مانا جاتا ہے۔

ولایت پورٹل: جیسے جیسے موسم تبدیل ہورہا ہے سردیاں قریب آتی جارہی ہیں، اور پھل کھانے کے شوقین افراد اس موسم میں بہت سے مزیدار پھلوں کا انتظار کررہے ہیں۔ویسے تو ہر موسم میں ہی کوئی نہ کوئی خاص پھل موجود ہوتا ہے، جیسے گرمیوں میں آم اور تربوز ہیں، ویسے ہی سردیوں میں لوگ انار اور کینو جیسے پھلوں کو کھانا پسند کرتے ہیں۔لیکن کیا آپ یہ جانتے ہیں کہ سردیوں میں اگنے والے پھل جنتے مزیدار ہوتے ہیں ان کے اتنے ہی فوائد بھی ہوتے ہیں؟ آئیے ذیل میں موسم سرما کے ان موسمی پھلوں کے بارے میں پڑھتے ہیں:
انگور
چھوٹے چھوٹے موتیوں جیسے انگور کسی بھی وقت مل جائیں، کھائے بغیر نہیں رہا جاتا، انگور میں پوٹیشیم کی مقدار بہت زیادہ ہوتی ہے، اس سے جلد کے بہت سے مرض سے محفوظ رہا جاسکتا ہے، اس کے علاوہ انگور قوت بینائی کے لئے اچھا پھل مانا جاتا ہے۔
سیب
سیب کھانا کس کو پسند نہیں؟ یہ سرخ، پیلے اور سبز، تینوں ہی رنگوں میں موجود نہایت مزیدار پھل ہے، روزانہ صبح ایک سیب کھائیں، اس سے ذیابطیس کا خطرہ کم ہوجاتا ہے۔
انار
انار کا شربت ٹینشن کو دور کرتا ہے، ویسے بھی اس پھل کے دانے نہایت خوبصورت لگتے ہیں، ویسے ہی انار جیسے پھل کو کون کھانا پسند نہیں کرے  گا۔
کيوی
اس مزیدار پھل میں وٹامن سی کی مقدار بہت زیادہ  پائی جاتی ہے، اس لئے اگر آپ کو رات  کے وقت سونے میں پریشانی ہے تو اس پھل کو کھانا شروع کردیں، اس کے علاوہ کیوی کا استعمال وزن کو کنڑول میں  رکھتا ہے، اور جلد کو تازہ رکھتا ہے۔
امرود
امرود قبض سے نجات دلانے کے لئے بہترین پھل ہے، لوگ پکے ہوئے امرود سے زیادہ کچے امرود کھانا پسند کرتے ہیں۔
کینو
کینو میں وٹامن سی کی مقدار بہت زیادہ ہوتی ہے، ویسے تو لوگ کہتے ہیں کہ اس پھل سے گلا خراب ہوجاتا ہے، لیکن کیا آپ جانتے ہیں کہ سردیوں کا یہ پھل گلے کی خراش کو بہتر بھی کرسکتا ہے۔اس لئے سردیوں کا موسم آتے ہی ان تمام پھلوں کو کھانا بالکل مت بھولئیے



0
شیئر کیجئے:
फॉलो अस
नवीनतम