Code : 523 20 Hit

شہزادی کونین(س) کے روایت کردہ 4 مختصر اور مفید اعمال

رسول اللہ(ص) نے فرمایا:اگر تم نے سورہ توحید کو تین مرتبہ پڑھ لیا تو گویا تم نے پورا قرآن مجید تلاوت کرلیا۔اگر تم نے مجھ پر اور تمام سابق انبیاء پر درود پڑھا تو ہم(سارے انبیاء)قیامت میں تمہارے شفیع قرار پائیں گے۔اور جب تم مؤمنین کے لئے استغفار کرلو تو وہ سب تم سے راضی ہوجائیں گے ۔اور جس وقت بھی تم نے یہ ذکر’’ سبحان الله و الحمدلله و لا اله الا الله و الله اکبر‘‘ اپنی زبان پر جاری کرلیا گویا تمہارا حج اور عمر کامل ہوگیا۔

ولایت پورٹل: حضرت صدیقہ طاہرہ فاطمہ زہرا(س) سے روایت ہے کہ ایک دن میرے بابا رسول اللہ(ص) میرے گھر تشریف لائے اور یہ وہ وقت تھا کہ جب میں آرام کرنے کے لئے اپنے بستر کو بچھا چکی تھی فرمایا: اے فاطمہ(س)! تم اس وقت تک نہ سونا جب تک یہ چار اعمال انجام نہ دے لو۔
۱۔جب تک پورے قرآن مجید کی تلاوت نہ کرلو۔
۲۔جب تک پیمبران الہی کو اپنا شفیع نہ بنا لو۔
۳۔جب تک حج و عمرہ بجا نہ لے آؤ۔
۴۔جب تک تمام مؤمنین کو اپنے سے راضی نہ کرلو۔
آپ نے یہ ارشاد فرمایا اور نماز پڑھنے میں مشغول ہوگئے میں اس وقت تک کھڑی رہی یہاں تک کہ آپ کی نماز تمام ہوگئی۔
چنانچہ جب میرے بابا نماز سے فارغ ہوئے میں نے عرض کی: یا رسول اللہ(ص)!آپ نے مجھے ایسے چار اعمال بجا لانے کا حکم دیا ہے جن کے کرنے پر میں اس مختصر اور قلیل وقت میں قادر نہیں ہوں،حضرت نے تبسم کیا اور فرمایا:اگر تم نے سورہ توحید کو تین مرتبہ پڑھ لیا تو گویا تم نے پورا قرآن مجید تلاوت کرلیا۔اگر تم نے مجھ پر اور تمام سابق انبیاء پر درود پڑھا تو ہم(سارے انبیاء)قیامت میں تمہارے شفیع قرار پائیں گے۔اور جب تم مؤمنین کے لئے استغفار کرلو تو وہ سب تم سے راضی ہوجائیں گے ۔اور جس وقت بھی تم نے یہ ذکر’’ سبحان الله و الحمدلله و لا اله الا الله و الله اکبر‘‘ اپنی زبان پر جاری کرلیا گویا تمہارا حج اور عمر کامل ہوگیا۔
منبع:
مفاتیح الجنان،ص961




0
شیئر کیجئے:
फॉलो अस
नवीनतम