Code : 604 11 Hit

شام میں قیام امن کے سلسلے میں ایران شام کے ساتھ کھڑا ہے:ایرانی قومی سلامتی کونسل کے سکریٹری

اسلامی جمہوریہ ایران کی اعلی قومی سلامتی کونسل کے سکریٹری علی شمخانی نے شام کے وزير خارجہ کے ساتھ ملاقات کے دوران کہا ہے کہ ایران شام کی ترقی اور پیشرفت کے لئے ہر ممکن تعاون فراہم کرنے کے لئے تیار ہے ۔

ولایت پورٹل:اسلامی جمہوریہ ایران کی اعلی قومی سلامتی کونسل کے سکریٹری علی شمخانی نے شام کے وزير خارجہ ولید المعلم کے ساتھ ملاقات میں کہا ہے کہ اسرائیل کو شام کے خلاف جارحیت جاری رکھنے کا سنگين تاوان ادا کرنا پڑےگا، شام کے وزير خارجہ ایران کے دو روزہ دورے پر ہیں جہاں اس نے ایران کی اعلی قومی سلامتی کونسل کے سکریٹری علی شمخانی سے ملاقات اور گفتگو کی ، اس ملاقات میں دو طرفہ تعلقات، علاقائي امور اور عالمی مسائل پر تبادلہ خیال کیا گيا، شمخانی نے اس ملاقات میں دونوں ممالک کے درمیان سیاسی، اقتصادی ، تجارتی اور صنعتی شعبوں میں تعلقات کو فروغ دینے پر تاکید کرتے ہوئے کہا کہ شام میں قیام امن کے سلسلے میں ایران شام کے ساتھ کھڑا ہے، انھوں نے کہا کہ دہشت گردی کے خلاف جنگ میں ایران اور شام کے درمیان تعاون سے دہشت گردی کے خاتمہ میں بڑی مدد ملی ہے اورایران ، شام کی ترقی اور پیشرفت کے لئے  ہر ممکن تعاون فراہم کرنے کے لئے تیار ہے، اس ملاقات میں شامی وزير خارجہ نے دہشت گردی کے خلاف جنگ میں ایران کے تعاون پر شکریہ ادا کرتے ہوئے کہا کہ ایران نے سخت شرائط میں شامی قوم کی مدد کرکے اپنے اسلامی اور انسانی فریضہ پر احسن طریقہ سے عمل کیا ہے شامی وزیر خارجہ نے اس سے قبل ایران کے وزير خارجہ سے ملاقات اور گفتگو کی۔
مہر


0
شیئر کیجئے:
फॉलो अस
नवीनतम