Code : 450 43 Hit

دوسروں کے ساتھ کی گئی نیکی کبھی ضائع نہیں جاتی

اللہ تعالٰی نے اس عالم کو اس طرح خلق فرمایا ہے کہ جس میں احسان کا بویا بیج کبھی ضائع نہیں جاتا ۔یہ دنیا ایک عجیب مشین ہے کہ جسے اللہ نے اس فطرت پر خلق کیا ہے کہ اس میں احسان و بھلائی اور نیکی کبھی ضائع نہیں جاتی چنانچہ قرآن مجید میں ہے کہ اللہ تعالٰی انسان کی نیکی کا جواب اس کے بعد، اسکی دوسری نسل کو دیتا ہے۔

ولایت پورٹل: قارئین کرام! دوسروں کے ساتھ بھلائی، احسان اور نیکی کرنا بڑا عظیم کام ہے اور یہ وہ عبادت ہے جس کے اخروی ثواب کے علاوہ اس دنیا میں بھی اثرات و نتائج مشاہدہ کئے جاتے ہیں۔لیکن  کبھی کبھی ایسا بھی ہوتا ہے کہ اگر آپ نے کسی دوسرے کے ساتھ نیکی اور احسان کیا ہے تو وہ آپ کے احسان کا جواب احسان سے نہیں دیتا بلکہ کبھی یہ بھی ممکن ہے کہ وہ آپ کے احسان پہ شکریہ کرنا تو دور کی بات بلکہ بدی سے اس کا جواب دے۔ لہذا دوسروں کے ایسے رد عمل سے آپ شکستہ دل نہ ہوں اور اس کے سبب کہیں ایسا نہ ہو جائے کہ آپ نیکی کرنے میں بے رغبت و بے حوصلہ ہوجائیں اور احسان کرنے کا جذبہ آپ کے اندر سے ختم ہوجائے اور یہاں تک کے اپنے دوست و احباب کے سامنے بھی یہ کہتے پھرے ! یہ دنیا بھی عجب دنیا ہے اگر آپ کسی کے ساتھ بھلائی کریں گے تو وہ آپ کے ساتھ بدی ہی کرے گا لہذا اس سے اچھا تو یہ ہے کہ آدمی کسی کے حق میں بھلائی ہی نہ کرے۔
قارئین کرام! یہ بات یاد رہے کہ ایسا ممکن ہی نہیں کہ نیکی، بھلائی اور احسان بے حساب و کتاب ہو،لیکن آپ یہ توقع نہ رکھیں کہ آپ نے جس کے ساتھ حسن سلوک کیا ہے وہی آپ کے ساتھ بھی پلٹ کر احسان کرے گا،لہذا آپ کسی کے ساتھ  نیکی کرتے وقت قطعی طور پر بھلائی کی توقع نہ رکھیں اور صرف یہ سوچ کر نیکی و احسان کریں کہ یہ آپ کے پروردگار کو بہت پسند ہے اور یہ حقیقت تو انسان پر اس وقت کھلتی ہے کہ کبھی کبھی وہ انسان آپ کے حق میں بھلائی کردیتا ہے ،جس کے ساتھ آپ نے کبھی نیکی بھی نہیں کی تھی اور جس سے آپ کو قطعی طور پر کوئی امید نہیں تھی۔ لہذا نیکی اور بھلائی کا جو مثبت جواب آپ کو اس شخص سے ملنا چاہیئے تھا وہ کہیں اور سے مل رہا ہے۔
اللہ تعالٰی نے اس عالم کو اس طرح خلق فرمایا ہے کہ جس میں احسان کا بویا بیج کبھی ضائع نہیں جاتا ۔یہ دنیا ایک عجیب مشین ہے کہ جسے اللہ نے اس فطرت پر خلق کیا ہے کہ اس میں احسان و بھلائی اور نیکی کبھی ضائع نہیں جاتی چنانچہ قرآن مجید میں ہے کہ اللہ تعالٰی انسان کی نیکی کا جواب اس کے بعد، اسکی دوسری نسل کو دیتا ہے۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
منبع:
آشنایی با قرآن،شہید مطہری ج۱۱، ص۱۴۹



0
شیئر کیجئے:
फॉलो अस
नवीनतम