Code : 1117 26 Hit

امریکہ وحشیانہ طور پر ایران میں سیلاب سے متاثرہ افراد کی امداد روک رہا ہے:حزب اللہ

حزب اللہ کا کہنا ہے کہ ایرانی قوم سیلاب سے متاثرہ علاقوں میں امداد رسانی کے کام میں مصروف ہے لیکن امریکہ ، ایران کے ادارے ہلال احمر پر پابندیاں عائد کرکے سیلاب سے متاثرہ افراد کی امداد کو روکنے کی مذموم کوشش کررہا ہے۔

ولایت پورٹل:المنار چینل کی رپورٹ کے مطابق حزب اللہ نے ایک بیان میں امریکہ کی طرف سے ایران کے سیلاب سے متاثرہ افراد کی امداد روکنے کی شدید الفاظ میں مذمت کرتے ہوئے کہا ہے کہ امریکہ وحشیانہ طور پر ایران میں سیلاب سے متاثرہ افراد کی امداد روک رہا ہے،حزب اللہ  نے اپنے بیان میں کہا ہے کہ ایرانیوں کو اس وقت بہت بڑے سیلاب کے نقصانات کا سامنا ہے اور ایرانی قوم سیلاب سے متاثرہ علاقوں میں امداد رسانی کے کام میں مصروف ہے لیکن ادھر امریکہ ، ایران کے ادارے ہلال احمر پر پابندیاں عائد کرکے سیلاب سے متاثرہ افراد کی امداد کو روکنے کی مذموم کوشش کررہا ہے ، حزب اللہ نے کہا ہے کہ  امریکہ ایرانی سپاہ کو بھی دہشت گردوں کی فہرست میں شامل کرنے کی ناپاک کوشش کررہا ہے جبکہ سپاہ اس وقت سیلاب سے متاثرہ علاقوں میں اپنے عوام کی بھر پور مدد کررہی ہے،حزب اللہ نے حالیہ سیلاب میں بعض افراد کے جاں بحق ہونے پر رہبر معظم ، ایرانی حکومت اور عوام کو تعزیت اور تسلیت پیش کرتے ہوئے ہر قسم کے تعاون کی یقین دہانی کرائی ہے، حزب اللہ نے کہا کہ ایران کی بہادر ، شجاع اور دلیر قوم اس امتحان میں بھی سرافراز اورکامیاب ہوجائے گی۔
مہر


0
شیئر کیجئے:
फॉलो अस
नवीनतम