Code : 568 7 Hit

امریکہ میں عارضی طور پر شٹ ڈاؤن کا خاتمہ

امریکہ میں جزوی شٹ ڈاؤن تین ہفتوں کے لیے ختم کیا گیا ہے۔

ولایت پورٹل:امریکہ کے صدر ڈونلڈ ٹرمپ نے امریکی ایوان نمائندگان اور سینیٹ سے منظوری کے بعد جزوی شٹ ڈاؤن ختم کرنے کے بل پر دستخط کردیے ہیں،امریکی صدر نے واضح کیا ہے کہ اگر 15 فروری تک منصفانہ معاہدہ نہ ہوا تو دوبارہ شٹ ڈاؤن یا ایمرجنسی کے نفاذ کا فیصلہ کریں گے،امریکی ایوان نمائندگان اورسینیٹ نےشٹ ڈاؤن جزوی ختم کرنے کا بل منظور کیا تھا جس کے بعد ڈونلڈ ٹرمپ نے دستخط کیے ہیں،جزوی شٹ ڈاؤن تین ہفتوں کے لیے ختم کیا گیا ہے، حکومتی اداروں میں کل سےکام شروع ہوجائے گا،عالمی خبررساں ایجنسی کے مطابق امریکہ کے صدر نے کہا ہے کہ جزوی شٹ ڈاؤن سے متاثرہ آٹھ لاکھ ملازمین کو فوری طور پر ان کی تنخواہیں ادا کی جائیں گی۔ گزشتہ ایک ماہ سے جاری ملک میں شٹ ڈاؤن کے باعث سرکاری ملازمین کو تنخواہیں ادا نہیں کی جا سکی ہیں،امریکی صدر میکسیکو کی سرحد پر دیوار کی تعمیر کے لیے کانگریس سے سات ارب ڈالرز کے فنڈز کا تقاضہ کررہے ہیں لیکن کانگریس اس کے لیے رضامند نہیں ہے،امریکی ذرائع ابلاغ کے مطابق شٹ ڈاؤن کے دوران ملکی معیشت کو کل 32 ارب ڈالرزکا نقصان اٹھانا پڑا ہے۔
تسنیم


0
شیئر کیجئے:
फॉलो अस
नवीनतम