امام حسن عسکری(ع) کی اپنے شیعوں کو نصیحت

امام حسن عسکری(ع) نے فرمایا:اے میرے شیعوں ! تم لوگوں کے سامنے ہمارے کردار کو پیش کرو اور ان کے دلوں کو ہماری دوستی و محبت کی طرف راغب کرو اور خبردار کسی طرح کی برائی کو ہم سے نسبت نہ دینا چونکہ جو بھی خوبی و اچھائی ہمارے بارے میں بیان کی جائے گی ہم اس کے اہل ہیں لیکن ہماری طرف جس عیب اور برائی کی نسبت دی جائے گی،وہ ہم میں نہیں پائی جاتی۔

ولایت پورٹل: امام حسن عسکری علیہ السلام اپنے شیعوں کے نام ایک  نصیحت میں ارشاد فرماتے ہیں:میں تم لوگوں کو نصیحت کرتا ہوں کہ ہمیشہ اللہ کی راہ میں سعی و کوشش کرتے رہنا،سچ بولنا اور امانتوں کو ان کے مالکوں کی طرف لوٹا دینا،طولانی سجدے کرنا اور اپنے پڑوسیوں کے ساتھ حسن معاشرت و رواداری کے ساتھ پیش آنا۔
تم میں سے جو بھی اپنے دین میں متقی ہو اور سچ بولے،امانت لوٹائے  اور لوگوں کے ساتھ خوش اخلاقی سے پیش آئے تو اس کے بارے میں جب یہ کہا جائے گا کہ یہ شیعہ ہے۔تو اس سے مجھے حد درجہ خوشی ملے گی۔
تم خدا سے ڈرتے رہو اور ہمارے لئے باعث عزت و زینت بننا باعث ننگ و عارنہیں!
لوگوں کے سامنے ہمارے کردار کو پیش کرو اور ان کے دلوں کو ہماری دوستی و محبت کی طرف راغب کرو اور خبردار کسی طرح کی برائی کو ہم سے نسبت نہ دینا چونکہ جو بھی خوبی و اچھائی ہمارے بارے میں بیان کی جائے گی ہم اس کے اہل ہیں لیکن ہماری طرف جس عیب اور برائی کی نسبت دی جائے گی،وہ ہم میں نہیں پائی جاتی۔
خدا کو زیادہ یاد کرو اور کبھی موت کو فراموش نہ کرنا،قرآن مجید کی زیادہ سے زیادہ تلاوت کرو اور حضرت محمد مصطفٰی(ص) پر زیادہ صلوات و درود بھیجو۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
منبع:
تحف العقول،صفحه ۴۸۷

0
شیئر کیجئے:
ہمیں فالو کریں
تازہ ترین