رہبر معظم سے فوج کے اعلی افسروں کی ملاقات

16/04/2008

جمہوری اسلامی ایران کی مسلح افواج کے بعض اعلی کمانڈروں نے 29 فروردین یوم مسلح افواج کی مناسبت سے آج سہ پہر کو رہبرمعظم انقلاب اسلامی حضرت آیت اللہ العظمی خامنہ ای سے ملاقات کی ۔

رہبر معظم انقلاب اسلامی نے یوم مسلح افواج کی مناسبت سے فوجی اہلکاروں اور ان کے خاندان والوں کو مبارک باد پیش کی اور فوج کے اندر " دین پر اعتماد و یقین" اور " خدا پر توکل و ایمان " کے جذبے کی طرف اشارہ کرتے ہوئے فرمایا: ملک کا مکمل دفاع مسلح افواج کی اہم ذمہ داری ہے اور فوج کو ہمیشہ اور ہر لحاظ سے اعلی ترین سطح پر خود کو آمادہ رکھنا چاہیے۔

رہبر معظم اور مسلح افواج کے سربراہ نے خلاقیت و ایجادات میں فوج کی ظرفیت کو وسیع اور قابل پیشرفت قراردیتے ہوئے فرمایا: فوج نے اپنی علمی صلاحیتوں پر اعتماد کرتے ہوئے اپنی بہت سی ضروریات کو پورا کرلیا ہے اور مبصرین و ماہرین کی نظر میں آج یہ توانائی قابل قدر و قابل تعریف بن گئی ہے۔

اس ملاقات کے آغاز میں جمہوری اسلامی ایران کی فوج کے کمانڈر میجرجنرل صالحی نے فوج کی ترقی و پیشرفت اور دفاعی صلاحیتوں کے بارے میں رپورٹ پیش کی ۔